咀咀乾燥無有怕

秋天來了，一向皮膚乾的我，近排時時覺得皮膚很乾燥，連咀唇都感覺好乾燥，如果咀唇太乾，好容易會破損或生唇瘡，有排痛，又唔多美觀！

最近韓風很勁，無論食品定服裝，一話化粧品，經過一間專售賣韓國化粧品公司，入去睇睇，見到一款專為咀唇而設的mask, 好cute好可愛，店員話這隻咀唇mask 做完咀唇立即充滿水份，減小唇紋，講到咁勁，買番屋企試吓先！

儷肌美果膜機

個日係fb見到有人share台灣報導呢部果膜機, 我即刻成個人心心眼, 我最鐘意就係天然既野....

竟然有部機可以自製面膜, 我真係恨不得即刻買返黎.....

個晚成晚都訓唔著,就係掛住部機...

第2日起身,即刻上網search下呢部機既資料, 原來係台灣一間叫儷肌美既公司研發出黎

可惜,係唔寄香港架...

唯有即刻去偉大既淘寶睇下有無啦....果然真係有得買

不過係大陸分公司既出品, 不過由於我太愛呢部機啦....冒住壞機既危險咁買左返黎

話咁快第2日就到啦~~~~呵呵, 心情超緊張架

拆開出黎,好靚仔,一D都無爛到,好彩啫....

心急既我梗係即刻試下啦, 佢有本面膜配方係入面架

我咁O岩屋企有個橙, 咁就做個橙mask啦~

先要洗部機, 再放2粒膠原蛋白, 之後加水, 再放2舊橙落去, 等左5分鐘....

我個橙mask出黎啦....

再等多2,3分鐘冷卻左先用得

呢個就係敷完個塊橙mask啦~ 感覺幾好....

呢部新玩具, 有排玩lu....

港引入首部第二代位體X光乳房造影器

睇報紙話港引入首部第二代位體X光乳房造影器. 真係好呀!

傳統平面X光造影人人做完都話好痛, 攪到我姑姐唔敢去做, 點知身體檢查發現有腫塊, 急急去做化驗, 証實乳癌第二期, 真係晴天霹靂!

如果唔係人人話痛, 一早去做X光乳房造影, 早D發現乳癌就好啦!

而家新這部造影器準確度話比傳統高四至五成, 又無咁痛, 相信會多D 人做檢查, 減低乳房風險啦!

咁就結婚兩年了....我的北海道婚紗照

結婚差不多兩年,時間真係過得好快,呢兩年同老公過得好開心...

今日手癢睇番係北海道影既婚紗照,真係好鬼靚.....依家仲好記得當日既拍攝情況....

其中有一張婚紗照我真係好鍾意,背景係一棵滿佈黃葉既大樹....

攝影師好厲害,捕足到我好自然,好開心既表情~

好多朋友睇過張相,都話影得好好,好浪漫~

其實影到一輯咁合心水既相,諗返起真係全靠我朋友介紹我去芝柏...

加上睇過負責攝影師影既相版,都覺得拍攝得好自然,D角度好好,個陣就決定幫襯芝柏...

仲記得當時芝柏係婚紗展有個去北海道既promotion,萬幾蚊包拍攝一日...

仲包化妝,一件婚紗,三件晚禮服,同埋兩套男裝西裝~

見咁抵,10月又可以影到紅葉,黃葉...

又可以順道旅行,見有個明星結婚都搵佢地影相,就決定幫襯芝柏~

當然,除左呢Ｄ因素之外,我都要讚讚呢間公司既服務,員工好細心,服務周到

話說當日,我同老公去到北海道,第三日就影相...

原來攝影師同化妝師比我地早到北海道,一早已經安排晒Ｄ行程

當日晨早6點,佢哋地經黎到酒店...

同我地化妝換衫,之後就車我同老公去戶外影相~

佢地服務好貼心,探晒路,換衫補妝時,仲會安排沿途酒店洗手間俾我地換衫~

影相當日落雨,又好凍,我件件衫都露背,每影完一個shot,化妝師就即刻用件褸披住我...

驚我冷親,仲握住我雙手等我暖D~~

雖然落雨,但攝影師影既相依然好靚,角度好好,又好有禮貌~

我有D朋友試過幫襯其他公司影婚紗相,攝影師影影下黑面發脾氣鬧人...好彩俾我遇到個咁好既

老實講,呢輯婚紗相,真係好超值,包一本大油畫相簿.２個油畫架....

仲有4,50張相,都唔駛兩萬蚊~

但我最滿意既係佢地殷勤既服務,同D相既質素好好~

除鄒面霜 便宜貨勝貴貨

睇新聞得知消委會測試了市面上十一款除皺面霜效果, 結果領我大吃一驚, 除了產品不能完全減退皺紋外, 貴貨 SKII 還比不上便宜貨OLAY 好!

一心諗住比貴Ｄ, 有預期效果, 可變靚Ｄ, 點知結果係咁!

SKII 一向以賣貴貨, 靚貨為口號, 不過我曾用過佢隻神仙水, 用後唔覺有乜改變!

貴貨原來唔一定好. 唉。。。。

Ritz Carlton High Tea

雖然呢幾日都落大雨, 但仍然無阻我地去high tea既心情...

今次去左element 既 Ritz Carlton 度high tea

位於108樓...本來一心諗住可以望住個靚景食tea

但係連續幾日都落雨...已經打定輸數咩都睇唔到...

果然不出所料, 上到去白朦朦一片...

再打開個menu睇睇....嘩...成$5XX per 2

心諗應該最貴係個景...真係蝕哂

不過唔緊要啦~ 個裝修都好靚既~哈哈

好快今日既主角就黎到啦~ 個樣好似幾好食咁...

可惜全部甜品都係同一種甜味....仲要係勁甜呀!

俾咁貴又唔好食, 唯有坐耐D啦~

最後同個朋友坐到成6點先走人...哈哈~

咁既價錢, 下次都係去返洲際好D...

Doctorcos 超保濕底霜

我本身皮膚都比較乾...夏天都會甩皮, 更莫講化妝

一搽粉D乾紋就會出哂黎...

最近有個朋友介紹我用呢隻Doctorcos既底霜

果真超好用, 一搽上面個感覺就好似平時搽保濕cream咁

之後好快就吸收...

當然係立即試妝啦~ 出左街成日無甩皮不特止...

摸上塊面度都無覺得好乾...

聽講呢個牌子其他野都好好用...睇黎我又準備要出血啦~~

仲有1次fraxel就搞點啦...

今日又去左做...同樣地好多人, 今日等耐左少少, 可能收工時間都係多人D...

今日好開心呀...因為做多1次就唔洗再做啦~~~

真係無諗話做左幾十年人,竟然有機會俾我靚返, 簡直勁過還原靚靚拳呀...哈哈

做完之後去左city super買左牛扒返屋企同老公撐枱腳....

講真,我覺得自己買牛扒食仲好食過個D千千聲既牛扒....又簡單..

食完之後真係唔想郁,天氣又凍....真係好討厭

已經3月啦....仲要咁凍....想點...唔通香港以後會無夏天?? 咁就慘囉...

OMG....要剝牙

真係激鬼死....幾十歲人仲生咩智慧齒....

記得左邊生既時侯已經係十幾年前既事..一心以為咁耐唔生就唔會生

點知, 都係唔聽話, 仲要斜生, 唔剝都唔得...

唉....個牙醫話要開刀架....即係成個星期唔洗食野啦....

唔通個天都逼我減肥???

新一年新目標!! 減肥!!

唔經唔覺...2013年過去....

塊面變返靚靚...

但身上就累積左厚厚既脂肪~哈哈

2014年既目標就係要減肥....!!! 加油!!

最少要減10磅~!!!

不過....今個月又就到新年....

睇黎要用農曆新年計...哈哈哈哈哈

Happy New Yearrrrrr

大家新年快樂, 要開開心心, 靚靚女女呀~~ =]

今年大家去左邊度倒數呢??

我同老公今年2人世界...去左唱K...哈哈

從來未試過唱K倒數...感覺真係搞笑~~

不過講真...依家NEWAY真係唔係好得囉....

D歌成日都無, 今晚變左懷舊金曲夜....哈哈

成晚都係容祖兒同鄭E健既concert.....yeahhhh