甩焦啦甩焦啦~~~

今朝起身洗完個面, 發現有D焦甩左啦....yeah~~~~~

真係淺色左好多呀!!! 好開心....係咁照鏡, 哈哈哈

今日family day...同阿爸去左赤柱High tea....

依家連赤柱都好鬼多C仔....唉...香港無架啦....變成C仔既世界~!

食左個三文治同雞翼...好好味呀~

差唔多成4年無黎過.....估唔到仲係咁旺~

50%港女冇驗乳

乳癌是本港女性第三號癌症殺手，醫生建議女性由20歲開始，定期檢查乳房。但有調查發現，本港50％受訪女性均沒有定期檢查乳房，對於乳癌的病徵亦不了解，每每導致延醫，令治愈機會大減。癌症基金會推出優惠計劃，讓女士以優惠價錢進行「乳房造影檢查」，鼓勵市民定期檢查，名額500個。

癌症基金會委託香港大學民意研究計劃進行調查，電話訪問了500名成年女性。結果發現，50%受訪女士均沒有定期檢查乳房(包括自行或找醫生檢查)，當中 72%更是18至29歲的年輕女士，反映女性以為乳癌不會發生於自己身上，所以不檢查。

多不認識自我檢查方法

有定期檢查的女性中，只有26%做到每個月自行檢測乳房，27%每兩年找醫生檢查一次。分析指出，檢查頻率低，是因為女性不認識自我檢查方法，或價錢昂貴而不進行檢查。

養和醫院副院長梁憲孫提醒說，婦女進行定期乳房檢查，包括每月自我檢查乳房，以及每兩年接受乳房X光造影檢查，雙管齊下，密切留意乳房的變化，可及早發現乳癌，增加治愈機會。

癌症基金會與養和醫院合作，今起至10月31日「粉紅革命」活動期間，提供500個「乳房造影檢查」優惠。所有40歲或以上，以及於過去兩年未曾進行臨牀乳癌檢查的本港女性，均可以優惠價600元，於養和醫院進行原價1,660元的「乳房造影檢查」。

做運動捐食物?

做運動可同時做善事，會否令你流的汗更有意義？「膳動衡」計劃將食物與運動結合，將參加者消耗的卡路里轉化成食物，捐給有需要的人。換言之，消耗得愈多卡路里，捐出的食物愈多！


「膳動衡」透過定期與不同團體舉辦比賽，由營養師計算參加者消耗的卡路里，再將卡路里轉化成食物，捐贈給有需要人士。
他們在6月與三項鐵人總會合作，舉辦陸上兩項鐵人比賽，「膳動衡」創辦人黃子萌表示，共有三百多人參加，「消耗五萬幾個卡路里唔算好多，我哋送嘅食物唔止五萬卡路里，運動消耗嘅只係最低標準。」

我哋送嘅食物唔止五萬卡路里，運動消耗嘅只係最低標準。 (「膳動衡」黃子萌)
該次比賽完結後，約三十名參賽者、教練與香港婦聯義工將食物送到獨居長者。婦聯社會服務部主任謝志恆表示：「唔單係送食物咁簡單，最重要係善心同關懷，做義工都係一種體驗。」
黃子萌說有不少熱心人捐贈食物，他最希望有食物公司能長期贊助食物。
為鼓勵大學生行樓梯，「膳動衡」下月將與科技大學扶輪青年服務團合作，計算學生行校內兩條主要樓梯時消耗的卡路里，食物將捐贈板間房居民。黃子萌說，「一個人行樓梯只係消耗1、2個卡路里，如果每日有幾百、幾千個學生行就好大。」(記者陳麗霞報道)

點計卡路里？
黃子萌說由註冊營養師用每人的身高、體重、運動類型等，計算出每人約消耗的卡路里，得出總消耗卡路里後就轉化為食物，如跑步1小時消耗的600個卡路里，約等如3碗白飯。


又幾有意義喎....反正都減肥架啦...哈哈

天兔無鬼用~~

 個天都唔幫我....做完激光塊面仲有D紅...諗住如果今朝唔駛返工, 可以係屋企FULL多次MASK先返工架MA....

不過起身塊面都無咩紅啦....唉....又係落雨...真係煩~!

Hong Kong Skin Centre 真係幾好

今日上到centre....

我即刻話要做Fraxel Dual~~

護士好NICE同我解釋，話一定要經醫生檢查....先知我D皮膚啱唔啱做（果然有醫生,會專業好多）

醫生問左我一輪病歷同檢查皮膚之後.....話我D皮膚適合做Fraxel Dual嫩膚療程....(好認真...唔似好多美容係咁易望下就話可以做)

個醫生仲好清楚咁同我解釋部機有咩用, 話部機有激光雙波長1550nm同1927nm，可以同時治療表層兼深層既皮膚問題....(個醫生唔講,完全唔知激光都有唔同波長!!) 

佢話一般情況, 大約做３至６次療程.....就已經明顯改善色斑同凹凸洞, 每隔４至８星期做一次.....每次療程５－１０分鐘~ 

護士跟住同我用一部叫ＣＳＩ嘅機影相，話每次做療程前都要同塊面影相做記錄對比....

我同醫生講話驚做激光好痛 (真係好怕痛架我).....

佢叫我唔駛擔心,話做機前會先食止痛藥, 跟住會塗麻醉藥膏 ( 聽完個心都定Ｄ)仲會蓋眼....

塗麻醉藥膏左十五分鐘之後,護士就帶我入咗間寫明做Fraxel分段激光療程嘅房~~

醫生做療程前, 又再同我解釋, 話Fraxel其實係透過激光做成好似假創傷咁....令皮膚入面骨膠原再激活增生，所以有嫩膚作用!!佢話會視乎我情況去調較溫度.....

老實講.....做Fraxel時係有Ｄ刺痛同熱~ 但都忍到WO（可能用咗麻醉膏掛....）

醫生仲叫我放鬆Ｄ,話做完療程２－３日....塊面通常會紅紅地....有Ｄ結焦係正常現象~ 叫我唔駛擔心......大約５－７日, 塊面會恢復正常....

做完療程後，塊面真係有Ｄ紅同熱，護士即刻同我FULL COOL DOWN MASK（舒服晒）....

醫生話我D皮膚問題比較嚴重(其實我都知架啦)....要隔４星期做一次療程, 成個療程大約５次,佢提我記住要做足防曬, 因為塊面皮膚會較薄.....

(臨走時護士仲介紹我用隻補濕產品, 話可以加快皮膚復原)

第一次做完Fraxel，塊面好似冇咩好大分別 ( 醫生同我講, 話面部皮膚既膠原增生, 需要Ｄ時間,所以通常做完第一次Fraxel,唔會即刻見到有好大改善......但做兩,三次療程後, 就會有好明顯既效果）...

我覺得呢度都幾專業, 而且成個過程都會講哂俾我聽, 唔會好似之前個D咁, 做完就算...都唔知做左D咩.....D醫生同護士D態度又好, 又細心.....所以我應該會繼續去做... 希望D斑斑同凹凸洞快D離開我啦 XDDDD

好緊張呀~ hk skin centre....!!

聽日就要去呢間Hong Kong Skin Centre啦....好緊張呀～

雖然唔係第一次去做呢Ｄ療程, 可能係好多人做左都有效果, 所以特別興奮.....hahaha

問左我老公個同事...佢話佢做左6次就OK啦....而且真係醫生做...好安全

今日係公司成日係度發夢, 幻想自己塊面無哂斑, 無哂凹凸洞, 白雪雪, 滑lulu個樣...(諗多左^^") 

不過諗下都開心....如果真係得咁就好啦~~~~ 今晚都係早D訓先得....

好開心呀~

琴晚同左老公講話book左星期6去HK Skin Centre 度做機...

我同佢講話個部Fraxel Dual激光機係有FDA認可架....又可以去色斑、嫩膚、修補凹凸洞，仲可以收毛孔....

老公竟然話好~~~~叫我去做

真係唔知咩事....咁順攤...哈哈~ 之前仲驚佢話....佢跟住同我講話因為有個同事都做左, 真係有好到.....所以俾我去做....= =""""  原來係咁...都心諗無咩幾可咁易就話好....哈哈....

總之今晚就好開心啦....我仲問我老公拎左佢個同事既電話....諗住問下佢 XDDDD

Hong Kong Skin Centre 我黎啦~~~!

今日終於打左電話去Book HK Skin Centre ....

實在忍唔住啦...而且佢部Fraxel Dual激光機真係好吸引....見到個JM D 凹凸洞 好左咁多...

其實我唔係做咗咩錯事....而係三十幾歲人,兩邊顴骨位愈來愈多色斑,一撻撻咁～

仲有以前勁爆瘡, 塊面留低咗好多火山凹凸洞～

咁我做銀行客服....點見人先得架！惟有日日塗成尺厚遮瑕膏,但都唔係好遮到Ｄ窿架嘛....

之前都有去美容院做吓Ｄ去斑同醫凹凸洞既療程, 洗咗成幾萬蚊,零效果呀, 勁灰！！！！ (其實已經試過幾間...仲要好鬼痛 >< )

所以希望今次真係得啦~~

Fraxel Dual激光機...又諗..

唉呀~~ 真係好想做呀...
上星期咪見到HK Skin Centre有得做嫩膚療程....今日上個forum個JM放左相....
真係好好呀~~~~ 佢仲話佢個centre 係用fraxel Dual 激光機....因為呢部機係FDA認可架...


唔係度度有...真係好想好想好想去做...

同埋個JM話佢地係醫生做架....安全好多...
又....真係好吸引...
又....已經諗左好多次....
又....真係好想去做....

點算呀~~~~ !!!!

敗了Ultima II

呢排D 毛孔好鬼明顯....今日去SOGO諗住睇下有咩O岩用...

最後就敗左ultima II....其實幾年前用過都覺得幾好架啦...不過個陣塊面又無咩大問題....結果就無再用....

女人都係好易老....幾年時間...我塊面都謝左唔少....都30幾歲人....應該真係要開始搞下塊面....最近D斑都好似多左 > <"

講返今日D戰績先~ 

買左膠原蛋白再生水

骨膠原抗衰老面霜 

抗衰老精華d JM話呢隻收毛孔好得~

深層活膚緊膚面膜

仲送左D面霜俾我...今晚可以好好招待下我塊面啦~~ ^^

好文好文好文

真係愈來愈唔想返工....
D客都唔知咩事, 愈來愈差既...
又.....多左D C仔....真係激到你死死下!!!!!
煩到你想死....唔答又唔得....點解係香港打工要咁慘....>W<

好彩返到屋企有野食....
老公買左我最愛既冰皮月餅俾我食....仲要係榴槤味架 wakakakka....
之前買斷哂, 以為今年無得食lu...
美心既冰皮係最好食架....(個人認為) ^^

一口氣食左3個, 今日D怨氣先釋放哂....
但卡路里就高哂....哈哈
我發覺我有得食就咩都得架啦.....仲話減肥~~~呢樣野似乎都無咩可能做到....哈哈哈~~~~

成晚發惡夢

小斌斌件事真係好可憐, 希望佢可以勇敢面對.....大陸真係咩都有,好恐怖呀~!!! 

唔知係咪呢幾日都有睇呢單新聞, 搞到琴晚成晚係度發惡夢, 好彩係發夢,如果真係無左隻眼,都唔知點做人 >.<

講返D開心事先, 媽子今日生日, 去左禾牛薈打邊邊.....都幾好食, 不過真係少少貴, 又係食環境lor....

 D牛麻麻地....牛王星好食D, 不過污糟D....

今日要老公趕頭趕命咁幫我買個cake...真係唔好意思啦~~!!

又幾好食架WO....本來諗住買密瓜架....點知買哂...好彩呢個都好食啫~~

呢個係東海堂既出品, 淨係個樣都夠哂CUTE 呀~~~ ^^

媽子祝你愈來愈靚, 靚過靚靚 ^W^ ~~~

激光嫩膚療程...好似好吸引呀!!!

話說早兩日係forum見到有網友話尖咀果間Hong Kong Skin Centre有醫生做激光嫩膚療程, 仲有好多人都去左做...

於是今日我去左佢個網度睇....www.derma.com.hk  話呢部機可以去色斑、嫩膚、修補凹凸洞，兼收毛孔，簡直中晒我死穴！=O="

心思思真係好想去做....但唔知痛唔痛, 我真係好怕痛架 ><

況且有DR 醫療事故之後, 都唔係好敢亂咁黎.......

yahoo blog ,玩完...

yahoo blog 無啦啦話要CLOSE....真係激氣...

朋友話BLOGGER好用...唯有轉過黎啦~~

轉過黎既時候, 望下自己個BLOG....原來已經開左1年幾...但係寫既文係少之有之...= ="""

好...!!! 我要認真D對待呢個BLOG....會儘量寫返多D....("儘量") HAHAHAHA

不過BLOGGER又真係好似幾好用, 比起YAHOO.....smooth 好多...都唔明當初點解會唔用blogger 架呢....^^"